हेटौंडाः झरना साहित्यिक परिवार मकवानपुरको आयोजनामा बकैया कला–साहित्य महोत्सव–२०७९ हुने भएको छ । सोमबार हेटौंडामा पत्रकार सम्मेलनमार्फत यही फागुन ८ र ९ गते बकैया कला–साहित्य महोत्सव–२०७९ हुने जनाएको हो ।
महोत्सवमा फाल्गुन ८ गते पहिलो दिन रचना वाचन कार्यक्रम, चित्रकला प्रतियोगिता, बकैया विशेष रचना वाचन हुनेछ । त्यस्तै फागुन ९ गते खुल्ला कविता वाचन, गजल, मुक्तक, वाचन र साहित्यक अन्तरक्रिया हुनुका साथै झरनाले प्रदान गर्दै आएको पुरस्कारहरु प्रदान गरिने छ । झरनाले महोत्सवमा साहित्यकार, साहित्यसेवी, कलाकार, पत्रकार, नवप्रतिभा तथा संंघ संस्थालाई सम्मान गर्ने जनाइएको छ ।
