हेटौंडाः समृद्ध समाज दैनिकका सम्पादक सुरेश श्रेष्ठ पुरस्कृत हुनुभएको छ । जेसीआई बस्तीपुर हाँडीखोलाले मंगलबार १२ औं पदस्थापना समारोहमा सम्पादक श्रेष्ठलाई उदय सिंह पाठक स्मृति सामाजिक सेवा पुरस्कार–२०७९ प्रदान गरेको हो । पत्रकारितामार्फत सामाजिक सेवाको क्षेत्रमा योगदान पु¥याएको भनी सम्पादक श्रेष्ठलाई पुरस्कृत गरिएको हो । यस्तै सामाजिक सेवाको क्षेत्रमा क्रियाशील मानवसेवा आश्रमकी महासचिव सुशीला केसी (रुपा) लाई सामाजिक सेवातर्फ उदय सिंह पाठक स्मृति सामाजिक सेवा पुरस्कार–२०७९ प्रदान गरिएको छ ।
सामाजिक सेवामा क्रियाशील व्यक्तित्व र सामाजिक सेवाको कार्यलाई प्रोत्साहित गर्ने पत्रकारलाई हरेक वर्ष स्व. पाठकको परिवारले पुरस्कृत गर्दै आएको छ । स्व. उदय सिंह पाठकका जेठो छोरा अमृत पाठकले बुबाले समाजमा पु¥याउनुभएको योगदानको स्मरण गर्नुका साथै सामाजिक सेवाको क्षेत्रमा क्रियाशील व्यक्ति र सामाजिक सेवको विषयलाई प्राथमिकता दिने पत्रकारलाई निरन्तर पुरस्कृत गरिने स्पष्ट पार्नुभयो ।
पदस्थापन समारोहका प्रमुख अतिथि संघीय सरकारका उर्जा, जलस्रोत तथा सिंचाई राज्यमन्त्री दीपक बहादुर सिंहले श्रेष्ठ र केसीलाई दोसल्ला ओढाएर सम्मानपत्र तथा जनही नगद ७ हजार २ सय २ रुपैयाँ हस्तान्तरण गर्नुभयो ।
