हेटौंडाः हेटौंडा–११, डाङडुङ्गेस्थित भीम तिमल्सिनाको दुईतले काठको घरमा आगोलागी हुँदा घर पुर्ण रुपमा जलेर नष्ट भएको छ । आइतबार बिहान ११ बजेको समयमा अचानक बिजुलीको तार सर्ट भएर आगोलागी हुँदा तिमल्सिनाको घर पुर्ण रुपमा जलेर नष्ट भएको जिल्ला प्रहरी कार्यालय मकवानपुरका प्रहरी प्रवक्ता टेक बहादुर कार्कीले जानकारी दिनुभयो ।
तिमल्सिनाको घरमा आगोलागी भएको भन्ने खबर प्राप्त हुनासाथ उक्त स्थानमा अस्थायी प्रहरी पोष्ट थनाभ¥याङबाट प्रहरी हवल्दार मुन्निलाल गुप्ताको कमाण्डमा टोली खटेर प्रहरी, स्थानीय र दमकलको सहायताले आगलागी भएको २० मिनेटपछि आगो पुर्ण रुपमा नियन्त्रणमा ल्याएको थियो । आगोलागीबाट घर पुर्ण रुपमा जलेर क्षति भएको र क्षतिको विवरण हालसम्म एकिन नभएको प्रवक्ता कार्कीले बताउनुभयो । आगोलागी हुँदा मानवीय तथा पुश–चौपाय क्षति नभएको जनाएको छ ।
