हेटौंडाः सिस्नुपानी नेपाल मकवानपुरको आयोजनामा सिस्नुपानी हास्यव्यङ्ग्य देउसीभैलो कार्यक्रम गर्ने भएको छ । गत वर्षमा जस्तै यस वर्ष पनि तिहारको अवसरमा आज शनिबार हास्यव्यङ्ग्य देउसीभैलो कार्यक्रम—२०७९ हुने भएको हो ।
प्यारोडी गीत, खैंजडी भजनजस्ता प्रस्तुतिहरु हुने सिस्नुपानी नेपाल मकवानपुरका अध्यक्ष राजकुमार लामिछानेले बताउनुभयो । मकवानपुरका साहित्यकार तथा कलाकारको सहयोगमा कार्यक्रम गर्न लागिएको हो । नेपाली मौलिक संस्कृतिको जगेर्ना तथा विकृति र विसङ्गति न्यूनीकरण गर्ने उद्देश्यले कार्यक्रम हुने बताइएको छ ।
