हेटौंडाः शनिबार हेटौंडामा ५० जनाले रक्तदान गरेका छन् । मुस्लिम युवा समाज मकवानपुरको आयोजना तथा रक्तसंचार केन्द्र हेटौंडाको प्राविधिक सहयोगमा रक्तदान कार्यक्रम भएको हो । ३ बर्षदेखि प्रत्येक मुस्लिम समाजले रक्तदान कार्यक्रम गर्दै आएको छ । हेटौंडाको बुद्धचोकमा रक्तदान कार्यक्रम भएको हो ।
मुस्लिम यूवा समाज मकवानपुरका उपाध्यक्ष मोहम्मद सफीकको अध्यक्षता तथा बागमती प्रदेशका प्रथम मुख्यमन्त्री डोरमणि पौडेलको प्रमुख आतिथ्यमा रक्तदान कार्यक्रम भएको हो । रक्तदान कार्यक्रम सलिम मियाको संयोजकत्वमा भएको हो । यसैबीच हेटौंडा जेसीजले भोलि सोमबार हुप्रचौरमा रक्तदान कार्यक्रमको आयोजना गर्दैछ भने मकवानपुरको बकैया गाउँपालिकाको हातेमालो क्लबको आयोजनामा भदौ २५ गते गाउँपालिकामा रक्तदान कार्यक्रम आयोजना गरेको छ ।
