हेटौंडाः मकवानपुरको इन्द्रसरोवर गाउँपालिकामा एक महिला आफ्नै घरको कोठाभित्र मृत अवस्थामा फेला परेकी छिन् । शनिबार इन्द्रसरोवर–४ की ४८ वर्षीय कान्छी माया भोलन आफ्नै घरमा मृत अवस्थामा फेला परेको जिल्ला प्रहरी कार्यालय मकवानपुरका प्रहरी प्रवक्ता टेक बहादुर कार्कीले जानकारी दिनुभयो ।
स्थानीयले भोलन आफ्नै घरभित्र मृत अवस्थामा फेला परेपछि प्रहरीलाई खबर गरेको थियो । शनिबार नै घटना स्थलमा प्रहरी खटिएर घटना स्थललाई सुरक्षित राखेको थियो । आइतबार शव पोष्टमार्टमका लागि हेटौंडा अस्पताल ल्याउने तयारी भइरहेको प्रहरी प्रवक्ता कार्कीले बताउनुभयो । मृतक भोलन घरमा एक्लै बस्दै आएको बुझिएको छ । घटनाबारे थप अनुसन्धान भईरहेको कार्कीले बताउनुभयो ।
