हेटौंडाः रोट्र्याक्ट क्लब अफ मकवानपुरको अध्यक्षमा प्रदीप कुमार राई पदस्थापित हुनुभएको छ । शुक्रबार एक समारोहका बीच राईलाई क्लबको अध्यक्षमा पदस्थापित गरिएको हो । वर्ष २०२२/२३ का लागि राई नेतृत्वको नयाँ समितिलाई पदस्थापित गरिएको छ ।
क्लबको उपाध्यक्षमा रञ्जीता विष्ट, सचिवमा राजन कटुवाल र कोषाध्यक्षमा अलिषा न्यौपाने निर्वाचित हुनुभएको छ । सामाजिक सेवाको क्षेत्रमा क्रियाशील रहने रोटरी क्लबको युवा समूहको रुपमा रोट्र्याक्ट क्लब रहँदै आएको छ । रोटरी क्बल अफ मकवानपुरका अध्यक्ष कृष्णबहादुर कार्कीको प्रमुख आतिथ्यमा पदस्थापन कार्यक्रम भएको हो । पदस्थापन समारोहमा रोटरी क्लब अफ मकवानपुर र रोट्र्याक्ट क्लब अफ मकवानपुरका पूर्वअध्यक्षहरुको पनि उपस्थिति रहेको थियो ।
