हेटौंडाः मकवानपुरमा असार महिनामा १२ जना शिक्षकको बढुवा भएको छ । विभिन्न पालिकामा आन्तरिक बढुवातर्फ मकवानपुरमा १२ जना शिक्षकको बढुवा गरिएको शिक्षा विकास समन्वय ईकाई मकवानपुरका प्राविधिक सहायक प्रेमचन्द्र प्रसाद चौलागाईले जानकारी दिनुभएको छ ।
प्राथमिक विद्यालय तहतर्फ ७ जना, निम्न माध्यामिक विद्यालय तहतर्फ २ र माध्यामिक विद्यालय तहतर्फ ३ गरी १२ जना शिक्षकलाई बढुवा गरिएको उहाँले बताउनुभयो । प्रावि तह तर्फको तृतीय श्रेणीबाट द्धितीय श्रेणीमा ४ जना र द्धितीयबाट प्रथम श्रेणीमा २ जना शिक्षक बढुवा भएका छन् । निमावि तह तर्फको तृतीय श्रेणीबाट द्धितीय श्रेणीमा २ जना र मावि तह तर्फको तृतीय श्रेणीबाट द्धितीय श्रेणीमा ३ जना शिक्षकलाई बढुवा गरिएको प्राविधिक सहायक चौलागाईले जानकारी दिनुभयो ।
