हेटौंडाः स्वतन्त्र पत्रकार संघ नेपालको राष्ट्रिय अधिवेशन आज शनिबारबाट सुरु हँुदैछ । आज नवलपुर जिल्लाको गैंडाकोटमा अधिवेशनको उद्घाटन हुँदैछ । भोलि आईतबारसम्म चल्ने अधिवेशनबाट नयाँ नेतृत्व चयन गर्नेछ ।
२८ जिल्लामा शाखा रहेको स्वतन्त्र पत्रकार संघ राजनीतिक दलमा पत्रकारको आवद्धको विरोध गर्दै स्थापित भएको हो । नेपाल पत्रकार महासंघ नै राजनीतिक दलको प्रत्यक्ष प्रभावमा रहने गरेको भन्दै विरोध गर्ने समूहले स्वतन्त्र पत्रकार संघको स्थापना गरेको हो । मकवानपुर जिल्लामा पनि स्वतन्त्र पत्रकार संघ स्थापना भएको एक दशक भइसकेको छ । स्वतन्त्र पत्रकार संघ मकवानपुर जिल्ला समितिको अध्यक्ष गोकुल अधिकारी हुनुहुन्छ ।
