हेटौंडाः मकवानपुर प्रहरीले शनिबार मनहरी–६ बाट ६० किलो लागुऔषध गाँजा बरामद गरेको छ । शनिबार १ बजेको समयमा प्रहरी निरीक्षक प्रकाश थापाको कमाण्डमा ईलाका प्रहरी कार्यालय मनहरी र प्रहरी चौकी सुनाचुरीबाट संयुक्त रुपमा खटिएको प्रहरी टोलीले गस्ती गर्दै जाने क्रममा मनहरी–६ स्थित पुर्व–पश्चिम लोकमार्ग सडकखण्डबाट गाँजा बरामद गरेको हो ।
गाँजा तस्कर भने फरार भएको प्रहरीले जनाएको छ । प्रहरीलाई देख्नसाथ अपरिचित मानिसहरु बोरा फाली भागेको र उक्त बोरा खोली सुरक्षाजाँच गर्दा गाँजा परेको जिल्ला प्रहरी कार्यालय मकवानपुरका प्रहरी निरीक्षक राजकुमार सापकोटाले बताउनुभयो । फरार रहेकाहरुको खोजी कार्य भइरहेको उहाँले बताउनुभयो ।
