हेटौैंडाः मकवानपुरको राक्सिराङ–४ स्थित चुनढुङ््गा खानीमा राखिएका एक्साभेटरमा आगजनी र तोडफोड गरिएको छ । मोतिदान कन्स्ट्रक्सन सेवा प्रालिको एउटा एक्साभेटरमा आगजनी र २ वटा एक्साभेटरमा सोमबार दिउँसो तोडफोड भएको हो ।
प्रदेश ३–०१–००३ बा ५७३४ नम्बरको एक्साभेटरमा आगजनी भएको र बा २ क ५८९ र बा ३ क ६९७ नम्बरको एक्साभेटर तोेडफोड भएको इलाका प्रहरी कार्यालय मनहरीका प्रहरी निरीक्षक प्रकाश थापाले बताउनुभयो । उक्त ठाउँमा पातलो बस्ती भएकोे र त्यसको बारेमा स्थानीयलाई सोधपुछ गर्दा थाहा नभएको बताएको उहाँले जानकारी दिनुभयो । घटनाको थप छानविन भइरहेको पनि उहाँले बताउनुभयो ।
