हेटौंडाः हेटौंडा बजारमा मकवानपुरको प्रमुख जिल्ला अधिकारी भरतमणि पाण्डेको नेतृत्वमा बजार अनुगमन भएको छ । बुधबार प्रजिअ पाण्डेको नेतृत्वमा भएको बजार अनुगमनमा जिल्लामा जारी निषेधाज्ञाको अवज्ञा गर्दै पसल व्यवसाय संचालन गर्दै आएका व्यवसायीहरु धमाधम पक्राउ परेका थिए ।
बुधबार फर्निचर लगायतका अन्य व्यवसायीहरु पक्राउ परेका हुन् । यस्तै सोमबार र मंगलबार पनि व्यवसायीहरु पक्राउ परेका थिए । मकवानपुरमा साउन मसान्तसम्म निषेधाज्ञा जारी छ । पछिल्लो समय जिल्लामा सक्रिया संक्रमितको संख्यामा वृद्धि भएसँगै प्रशासनले बजार खुल्ने समय हेरफेर गरेको थियो । प्रशासनले जारी गरेको आदेशको पालना नगरी व्यवसाय संचालन गरेको व्यवसायीहरु अहिले धमाधम पक्राउ पर्न थालेका हुन् ।
