कोरोनाले मृत्यु भएकाहरुको लास देखियो अस्पतालमा
बाँच्छु भनेर आएको रोगीको सास रोकियो अस्पतालमा
अब बन्द गर यी बीभत्स मृत्युका भयावह दृश्य देखाउन
रोगले भन्दा नि मृत्युका दृश्यले मुटु हल्लियो अस्पतालमा
अचेत अवस्थामा रोगीको मर्छु भन्ने मनोविज्ञान सम्झन्छु।
यस्तो बेला नर्सहरुले खुसी साटेको देखियो अस्पतालमा
सरकार ढल्ने र बनाउने चरित्रहरु खुब देखिन्छ यो देशमा
देखेनन् कोरोनाले रोगी छट्पटिएको थियो अस्पतालमा
नेताहरु नयाँ प्रधानमन्त्री बनाउन हस्ताक्षर खोजी रहेछन्।
सास फेर्न गाह्रो भएपछि अक्सिजन खोजियो अस्पतालमा
