हेटौंडाः जेसीआई हेटौंडा लेडीले बागमती प्रदेश युवा परिषद्का कार्यकारी उपाध्यक्ष सन्तोष चौलागाईको स्वागत सम्मान गरेको छ । नवनियुक्त कार्यकारी उपाध्यक्षलाई शनिबार बिहान एक समारोहको आयोजना गरेर स्वागत सम्मान गरेको हो ।
जेसीआई हेटौंडा लेडीकी अध्यक्ष प्रतिमा श्रेष्ठको अध्यक्षतामा स्वागत, सम्मान कार्यक्रम भएको हो । स्वागत, सम्मानमा कार्यकारी उपाध्यक्ष चौलागाईले युवालाई समेटेर सीप प्रदान गर्ने, उद्यमशिलता विकास गर्ने, युवाकै सल्लाह, सुझावअनुसार आवश्यक कार्य गर्ने, वैदेशिक रोजगारीमा जाने युवालाई दक्ष बनाएर मात्रै पठाउने गरी परिषद्ले काम गर्ने बताउनुभयो । मकवानपुर जिल्लाका युवा नेताले महत्वपूर्ण जिम्मेवारी प्राप्त गर्नु उपलब्धीको विषय भएको र कार्यकालमा उल्लेखनीय कार्य गर्ने विश्वास व्यक्त गर्दै साथ र सहयोगका लागि जेसीआई हेटौंडा लेडी तयार रहेको अध्यक्ष प्रतिमा श्रेष्ठले बताउनुभयो ।
स्वागत सम्मान कार्यक्रममा जेसीआई हेटौंडा लेडीकी पूर्वअध्यक्ष रश्मि बस्नेत, हेटौंडा नगर खेलकुद विकास समितिका अध्यक्ष चन्द्र शाही, मकवानपुर उद्योग वाणिज्य संघका कार्यसमिति सदस्य नरेन्द्र भण्डारीको पनि उपस्थिति रहेको थियो ।
