हेटौंडाः हेटौंडा ५ स्थित क्याम्पा चौरको खेलमैदानमा सकेट बम फेला परेको छ । रंगशाला निर्माण गर्ने क्रममा माटो खनेर सम्माउँदा सकेट बम जस्तै फेला परेको जिल्ला प्रहरी कार्यालय मकवानपुरले जनाएको छ । अहिले सेनाको बम डिस्पोजल टोलि पुगेको छ ।
सेनाले डिस्पोज गरेपछि मात्रै बम हो या होइन पुष्टि हुने प्रहरी प्रवक्ता जयश्वर रिमालले जानकारी दिनुभयो । सकेट बम जस्तै देखिएको भएपनि त्यो द्धन्दकालमा राखिएको हुन सक्ने उहाँले बताउनुभयो ।
