हेटौंडाः जनगायक आशाकाजी श्रेष्ठको नयाँ गीत सार्वजनिक भएको छ । श्रेष्ठकै शब्द तथा स्वर रहेको ‘डाँडामाथि चौतारी’ बोलको गीत बिहीबार एक कार्यक्रमका बीच सार्वजनिक गरिएको हो ।
गीतको अधिकांश दृष्य हेटौंडाको शहीद स्मारकमा छायांकन गरिएको छ । दिलिप लामा र एलिसा बजगाईंको मुख्य भूमिका रहेको भिडियोमा मकवानपुरगढीस्थित गुम्बा र हेटौंडा–९ स्थित कर्रा गुम्बासमेत देख्न सकिनेछ ।
उक्त म्युजिक भिडियो मामाभाञ्जा प्रोडक्सनले निर्माण गरेको होे । गीतको संगीत संयोजन अमृत लगुनले गर्नुभएको छ । दिलिप लामाले निर्देशन गर्नुभएको गीतको म्युजिक भिडियोको कोरियोग्राफी पर्वत राई, विष्णु ठकुरी र कृष्ण तामाङले गर्नुभएको छ ।
यस्तै गायक श्रेष्ठकै अर्को गीत जुरु जुरु छ नेपाल शीर्षकको गीत पनि सार्वजनिक भएको छ । नेकपा एमालेका अध्यक्ष तथा प्रधानमन्त्री केपी शर्मा ओलीको सम्मानमा बनेको उक्त गीतमा पनि आशाकाजी श्रेष्ठकै स्वर रहेको छ । गीतमा उनलाई गायिका रेश्मी कार्कीले साथ दिएकी छिन् ।
जिल्ला समन्वय समिति मकवानपुरका प्रमुख रघुनाथ खुलालको प्रमुख आतिथ्यतामा गीत तथा भिडियो विमोचन-सार्वजनिक गरिएको थियो ।
