हेटौंडाः नेपाल पत्रकार महासंघको यही चैत २५ गते हुने निर्वाचनमा महासंघ जिल्ला शाखा मकवानपुरको अध्यक्षमा पत्रकार राजन दाहाल ‘रसिक’ ले उम्मेद्वारी दिनुहुने भएको छ । १५ वर्षदेखि पत्रकारिता क्षेत्रमा सक्रिय दाहालले हेटौंडा सन्देश दैनिकबाट पत्रकारिता सुरुवात गर्नुभएको हो । दाहालले रेडियो पालुङ, आदर्श समाज दैनिक पोखरा, सौर्य दैनिक, कमाण्डर पोष्ट, आर्थिक समाचार दैनिकमा काम गरिसक्नुभएको छ ।
एक दशकदेखि एभिन्युज टेलिभिजनमा मकवानपुर संवाददाताको रुपमा कार्यरत दाहाल अहिले अनलाईन खबरमा समेत काम गरिरहनुभएको छ । हेटौंडाबाट प्रकाशित भईरहेको थाहा दैनिकका प्रकाशक/सम्पादक दाहाल खेलकुद पत्रकार मञ्च मकवानपुरको अध्यक्ष समेत हुनुहुन्छ । पत्रकार महासंघ मकवानपुरका पूर्व सचिव समेत रहनुभएका दाहाल श्रमजिवी पत्रकारहरुको रक्षाका लागि जुनसुकै भूमिका निभाउन तयार रहने बताउनुहुन्छ । दाहाल प्रेस चौतारीका केन्द्रीय सदस्य तथा मकवानपुरका इन्चार्ज समेत हुनुहुन्छ ।
