हेटौंडाः हेटौंडा–६ चौघडामा रहेको वंशगोपाल माध्यामिक विद्यालय व्यवस्थापन समितिका पदाधिकारीहरुलाई विद्यालयले स्वागत तथा सम्मान गरेको छ । विद्यालयमा एक कार्यक्रमको आयोजना गर्दै नवगठित व्यवस्थापन समितिका पदाधिकारीहरु र शिक्षक अभिभावक संघका पदाधिकारीहरुको स्वागत सम्मान गरेको हो ।
हेटौंडा उपमहानगरपालिका ६ नम्बर वडाका अध्यक्ष अर्जुनप्रसाद चौलागाईको अध्यक्षतामा भएको कार्यक्रममा हेटौंडा उपमहानगरपालिकाका नगर शिक्षा प्रमुख गंगाधर रिमालको प्रमुख आतिथ्य रहेको थियो । विद्यालय व्यवस्थापन समितिको अध्यक्षमा श्यामप्रसाद श्रेष्ठ दोस्रो कार्यकालका लागि चयन भएका थिए । त्यसैगरी सदस्यहरुमा विजय गौतम, रामशरण दुलाल, अमुना सापकोटा, गायत्री घिमिरे, ६ नम्बर वडा सदस्य शुभद्रा तिमल्सिना र शिक्षक प्रतिनिधि विष्णुप्रसाद दुलाल, विद्यालयका प्रधानाध्यापक रमेशप्रसाद लामिछाने पनि रहेका छन् ।
विद्यालयको शिक्षक अभिभावक संघको अध्यक्षमा प्रकाश कार्की तथा सदस्यहरुमा सञ्जय श्रेष्ठ, शारदा गौतम, रक्षा थापा, प्रतिमा घिमिरे र शिक्षक प्रतिनिधिमा रविन्द्रकुमार गौतम र नविना महत रहेका छन् । विद्यालयले आयोजना गरेको परिचयात्मक तथा स्वागत सम्मान कार्यक्रममा निर्वतमान विद्यालय व्यवस्थापन समितिको तर्फबाट मुकुन्द अधिकारी, नेपाली कांग्रेस ६ नम्बर वडा सभापति रामहरि तिमल्सिना, विद्यालयका प्रधानाध्यापक रमेशप्रसाद लामिछाने, सहायक प्रधानाध्यापक ललनकुमार पाण्डे, शिक्षक गीता अधिकारी लगायतकाले शुभकामना मन्तव्य व्यक्त गरेका थिए ।
