हेटौंडाः नेपाल पत्रकार महासंघ मकवानपुरको १६ औं साधारणसभा आगामी मंसिर २६ गते हुने भएको छ । बिहीबार नेपाल पत्रकार महासंघ मकवानपुर शाखाको नियमित बैठकले साधारणसभाको मिति तय गरेको हो । नेपाल पत्रकार महासंघ मकवानपुरका अध्यक्ष हरि हुमागाईको अध्यक्षतामा भएको बैठकले साधारणसभाको मिति तय गरेको हो ।
मकवानपुर जिल्लामा १ सय ३ पुरानो, ६० जना नयाँ र ३ जना सरुवा भई आएका गरी जम्मा १६६ सदस्य रहेका छन् । सबैको नवीकरण भइसकेको र सबै सदस्यहरुले साधारणसभामा भाग लिन पाउने नेपाल पत्रकार महासंघ मकवानपुरका सचिव गणेश दर्पणले जानकारी दिनुभएको छ । साधारणसभा भएपछि संघ, प्रदेश र जिल्ला शाखाको चुनाव एकैचोटि आगामी फागुन ४ गते हुनेछ ।
