हेटौडाः मकवानपुर जिल्ला खेलकुद विकास समितिले मकवानपुरको राक्सिराङ गाउँपालिकाको प्रभात किरण क्लबलाई ४ थान फुटबल सहयोग गरेको छ ।
राक्सिराङ गाउँपालिकामा प्रभात किरण क्लबले आयोजना गर्न लागेको वडा नम्बर ४ टोलस्तरीय खुल्ला नकआउट फुटबल प्रतियोगिताका लागि मकवानपुर जिल्ला खेलकुद विकास समितिले ४ थान फुटबल हिजो बिहीबार सहयोग गरेको हो । जिल्ला खेलकुद विकास समिति मकवानपुरका अध्यक्ष सानु लामाले प्रभात किरण क्लबका प्रतिनिधिलाई बल हस्तान्तरण गर्नुभएको हो । कार्यक्रममा जिल्ला खेलकुद विकास समिति मकवानपुरका कार्यालय प्रमुख राजन दाहालको पनि उपस्थिति रहेको थियो ।
