हेटौंडाः पुष्पलाल मित्रता केन्द्र मकवानपुरका एक जिल्ला सदस्यले आफ्नो जन्मदिन हेटौंडा–११ डाङडुड्डेस्थित मामाघर नेपालमा पुगेर मनाउनुभएको छ ।
मामाघर नेपालमा रहेका भन्जाहरुसँगै जिल्ला सदस्य मोहन चन्द्र चौलागाईले आफ्नो जन्मदिन मनाउनुका साथै मामाघर नेपाललाई सहयोग पनि गर्नुभएको छ ।
उहाँले मामाघर नेपालााई चामल १ बोरा, दाल २ किलो, चना १ किलो, बिस्कुट ४ प्याकेट सहयोग गर्नुभएको मामाघर नेपालले जनाएको छ ।
मामाघर नेपालमा आज चौलागाईसहित करन खतिवडा, मनोज पोखरेल, देवीराम लामा लगायतको पनि उपस्थिती रहेको थियो ।
