हेटौंडाः पछिल्लो २४ घण्टामा नेपालमा एक हजार ४१ जना कोरोना भाइरस सङ्क्रमित थपिएका छन् । स्वास्थ्य तथा जनसंख्या मन्त्रालयको नियमित प्रेस विफ्रिङका क्रममा मन्त्रालयका प्रवक्ता जागेश्वर गौतमले ३८९ महिला र ६५२ जना पुरुष गरी कुल एक हजार ४१ जना सङ्क्रमित थपिएको जानकारी दिनुभयो ।
प्रवक्ता गौतमले कुल सङ्क्रमितको सङ्ख्या ४५ हजार दुई सय ७७ जना पुगेको जानकारी दिनुभयो ।
पछिल्लो २४ घण्टामा एक हजार पाँच सय ६६ जना कोरोना सङ्क्रमणमुक्त भई डिस्चार्ज भएको प्रवक्ता गौतमले जानकारी दिनुभयो । नेपालमा २७ हजार एक सय २७ जना कोरोना सङ्क्रमणमुक्त भएका छन् । अहिले नेपालमा १७ हजार आठ सय ७० जना सक्रिय सङ्क्रमित रहेका छन् ।
