हेटौँडाः पुरुष एक दिवसीय प्रधानमन्त्री कप क्रिकेट प्रतियोगिता–२०८२ अन्तर्गत बागमती प्रदेशस्तरीय छनोट प्रतियोगिता मकवानपुरले काठमाडौंलाई १ सय ३१ रनको लक्ष्य दिएको छ ।
तल्लो मुलपानी क्रिकेट मैदानमा भइरहेको खेलमा टस जितेर व्याटिङ रोजेको मकवानपुरले १ सय ३० बनाएको छ । मकवानपुर ३१ दशमलव २ ओभरमा १ सय ३० रनमा अलआउट भएको हो । मकवानपुरका लागि सक्षम बस्टाकोटीले सर्वाधिक ४२ रन बनाएको हो । टक्षक सिमखडाले १९ रन र स्वरुप श्रेष्ठले १४ रन जोडेका हुन् । काठमाडौंका संदिप पराजुलीले ४ विकेट र दयानन्द मण्डलले ३ विकेट लिए ।
यी दुई टोलीको प्रतियोगिताको यो दोस्रो खेल हो । यसअघि सोमबार भएको खेलमा काठमाडौंले नुवाकोटलाई ५९ रनले पराजित गरेको थियो भने मंगलबार भएकोे खेलमा मकवानपुर भक्तपुरसँग ४१ रनले पराजित भएको थियो ।
