हेटौँडा : हेटौँडा–४ स्थित भुटनदेवी माध्यमिक विद्यालयको सामाजिक क्लबका विद्यार्थीको समूह हेटौँडा–१५ स्थित दिव्यसेवा निकेतन ज्येष्ठ नागरिक आश्रममा गएर सहयोग गरेका छन् ।
परोपकार, सेवा, धर्म र सहयोग जस्ता मानवीय गुणको अभ्यास र सिकाईका लागि विद्यार्थीलाई आश्रमको भ्रमण गराउनुका साथै सहयोग गरिएको शिक्षक सुमन श्रेष्ठले जानकारी दिनुभयो । विद्यार्थीले आफ्नो खाजा खर्च कटाएर आश्रमलाई सहयोग गरेको शिक्षक श्रेष्ठको भनाइ छ ।
