हेटौंडाः जिल्ला प्रहरी कार्यालय मकवानपुर मातहतका १२ जना प्रहरीहरुमा कोरोना भाइरसको संक्रमण पुष्टि भएको छ । आज बिहान हेटौंडा–१० बसपार्कमा खटिएका ६ जना प्रहरी र अघिल्लो पटक ६ जना प्रहरीमा कोरोनाको सङ्क्रमण पुष्टि भएको जिल्ला प्रहरी कार्यालय मकवानपुरका प्रहरी नायब उपरिक्षक इन्द्रबहादुर रानाले जानकारी दिनुभयो ।
आज बिहान मकवानपुरका १० जना प्रहरीमा कोरोना पुष्टि भएपनि बाँकी ४ जना जिल्ला प्रहरी कार्यालय मकवानपुरको मातहतको नरहेको उहाँले बताउनुभयो । अहिले ६ जना प्रहरीलाई बसपार्कमै राखिएको छ । उनीहरुलाई कुन स्थानमा व्यवस्थान गर्ने भन्ने विषयमा प्रमुख जिल्ला अधिकारी, प्रहरी प्रमुखको छलफल भैरहेको उहाँले बताउनुभयो ।
