हेटौंडाः जिल्ला सुरक्षा समिति मकवानपुरले बागमती प्रदेशको राजधानी हेटौंडा उपमहानगरसहित पूर्वपश्चिम राजमार्गअन्तर्गत मनहरी गाउँपालिका खण्डको दायाँबायाँ पाँचपाँच सय मिटर क्षेत्रमा निषेधाज्ञा जारी गर्ने निर्णय गरेको छ ।
कोरोना भाइरसको सङ्क्रमण समुदायस्तरमै फैलन सक्ने जोखिम देखिएको उल्लेख गर्दै आज बसेको सुरक्षा समितिले निषेधाज्ञा जारी गर्ने निर्णय गरेको जिल्ला प्रशासन कार्यालयले जनाएको छ । जिल्ला प्रशासन कार्यालय मकवानपुरले एक सूचना जारी गर्दै आज सोमबार राती १२ बजेदेखि साउन ३२ गते राती १२ बजेसम्मका लागि निषेधाज्ञा जारी गर्ने निर्णय गरेको जनाएको छ ।
