हेटौंडाः मकवानपुर जिल्लाको मनहरी गाउँपालिका–८ सिम्पानीमा रहेको महेन्द्र किरण माविको व्यावसायिक भवन आइतबार हस्तान्तरण गरिएको छ । मनहरी गाउँपालिकाको ३२ लाखको लगानीमा निर्माण भएको ६ कोठे व्यावसायिक भवन आइतबार बिहान हस्तान्तरण गरिएको हो ।
मनहरी गाउँपालिका वडा नम्बर ८ का अध्यक्ष दिलबहादुर स्याङ्तानको सभाध्यक्षतामा भएको कार्यक्रममा मनहरी गाउँपालिकाका अध्यक्ष एकराज उप्रेतीको प्रमुख आतिथ्य रहेको थियो । गाउँपालिकाका अध्यक्ष एकराज उप्रेतीले महेन्द्र्र किरण माविका प्रधानाध्यापक राधेलाल मण्डललाई भवनको साँचो हस्तान्तरण गर्नु भएको थियो । कार्यक्रममा विद्यालय व्यवस्थापन समितिका अध्यक्ष मात्रिका ढुङ्गानाको पनि उपस्थिति रहेको थियो ।
