हेटौंडाः मदन भण्डारी स्पोर्ट्स एकेडेमी ५ नम्बर वडा कमिटी गठन गरिएको छ । पिप्ले सामुदायिक वन उपभोक्ता समितिको सभाहलमा शनिबार आयोजित भेलाले सरोज पौडेलको अध्यक्षतामा एकेडेमीको वडा कमिटी गठन गरेको हो । मदन भण्डारी स्पोर्ट्स एकेडेमी हेटौंडा उपमहानगर कमिटीका अध्यक्ष सविन लामाको सभाध्यक्षमा भएको कार्यक्रममा मदन भण्डारी स्पोर्ट्स एकेडेमीका केन्द्रीय सदस्य एवम् हेटौंडा उपमहानगरपालिका ४ नम्बर वडा अध्यक्ष नवीन सिग्देलको प्रमुख आतिथ्य रहेको थियो ।
कार्यक्रममा सरोज पौडेलको नेतृत्वमा १६ सदस्यीय वडा कमिटी गठन गरिएको छ । एकेडेमीको उपाध्यक्षमा कुशल श्रेष्ठ, सचिवमा विकेश कर्माचार्य, सहसचिवमा साहिल खान, कोषाध्यक्षमा अमन बनियाँ चयन भएका छन् । यस्तै सदस्यहरुमा मनिष दाहाल, आयुष गौतम, सुसान्त महत, फेज मिया, सुजल सापकोटा, आस्था ढुङ्गेल, रितेश स्याङ्तान, सरोज दुलाल, विष्णु पुडासैनी, आर्जन बुढाथोकी चयन भएका छन् । मकवानपुर जिल्ला खेलकुद विकास समितिका अध्यक्ष सानु लामाको पनि उपस्थिति रहेको कार्यक्रममा विभिन्न विधाका खेलाडीलाई सम्मान समेत गरिएको थियो ।
