हेटौँडा : १९ वर्षीय एक किशोरलाई मकवानपुर प्रहरीले प्रतिबन्धित लागूऔषध खैरो हिरोइन १६ ग्राम ४०० मिलिग्रामसहित पक्राउ गरेको छ । लागूऔषध खैरो हेरोइन प्रयोगकर्ता तथा व्यापारीको रुपमा सक्रिय रहेका हेटौँडा–१२ का १९ वर्षीय प्रितम बललाई पक्राउ गरिएको जिल्ला प्रहरी कार्यालय मकवानपुरले जनाएको छ ।
बुधबार बिहान ३ बजेर १५ मिनेटको समयमा हेटौँडा–१०, बसपार्कमा लागूऔषध ओसारपसार भइरहेको भन्ने सूचनाको आधारमा जिल्ला प्रहरी कार्यालयबाट खटिएको प्रहरी टोलीलाई नियन्त्रणमा लिएको जनाएको छ । बललाई नियन्त्रणमा लिई मकवानपुर जिल्ला अदालतबाट लागूऔषध कसुरमा ३ दिनको म्याद अनुमति लिई हिरासतमा राखेर थप अनुसन्धान गरिरहेको प्रहरीले जनाएको छ ।
