हेटौँडा : बागमती प्रदेश सभाको बैठक आज बुधबार पनि बस्दैछ । अहिले ११ बजेबाट प्रदेश सभा बैठक सुरु हुँदैछ । प्रदेश सभा बैठकको प्रत्यक्ष प्रसारण सामुदायिक रेडियो, रेडियो निकास ९३.४ मेगाहर्जले गर्दै आएको छ ।
बागमती प्रदेश सरकारले प्रदेश सभामा प्रस्तुत गरेको आगामी आर्थिक वर्ष २०८२/८३ को नीति तथा कार्यक्रममा अस्ति सोमबारदेखि छलफल सुरु भएको हो । बैठकमा प्रदेशसभाका सदस्यहरुले सरकारको नीति तथा कार्यक्रमको पक्ष, विपक्ष र सुधारका विषयहरु आफ्ना धारणा राखिरहेका छन् । बैठकमा हालसम्म ३६ जना प्रदेशसभा सदस्यहरुले सरकारको नीति तथा कार्यक्रम माथि आफ्ना धारणा राखेका छन् । सोमबार २० जना प्रदेश सभा सदस्यले बोलेका थिए भने मंगलबारको बैठकमा सत्तारुढ दल र प्रतिपक्षबाट १६ जना प्रदेशसभा सदस्यहरुले आफ्ना धारणा राखेका थिए ।
उनीहरुले सरकारको नीति तथा कार्यक्रमलाई बजेटमा जोड्ने गरी अघि बढाउन जरुरी रहेको औँल्याए । प्रतिफल योग्य आयोजना निर्माणमा सरकारको नीति कार्यक्रमलाई बजेट मार्फत् अघि बढाउन उनीहरुको सुझाव रहेको छ । विगतमा निर्माण भएका आयोजनाहरुको व्यवस्थापन तथा संचालनमा सरकारले ध्यान दिनुपर्ने उनीहरुको भनाई छ ।
