हेटौँडा : नुवाकोट जिल्लाको बेलकोटगढी नगरपालिका–२, कोल्पुफाँटमा आइचर गाडीमा ल्याएको रड झार्ने क्रममा रडको मुठाले च्यापेर एकजनाको मृत्यु भएको छ । शुक्रबार बेलुका ७ बजेर ३० मिनेटको समयमा ४४ वर्षीय अशोक प्रसाद आचार्यको मृत्यु भएको बागमती प्रदेश प्रहरी कार्यालय हेटौँडाले जानकारी दिएको छ ।
आचार्य कोल्पुफाँटस्थित आफ्नै घर निर्माणका लागि बा ४ ख २१०६ नम्बरको आइचरमा ल्याएको रड झार्ने क्रममा रडको मुठा खसेर लाग्दा गम्भिर घाइते भएका थिए । घाइते आचार्यलाई उपचारका लागि काठमाडौँस्थित मनमोहन अस्पताल लगिएकोमा डाक्टरले मृत घोषणा गरेको प्रहरीले जानकारी दिएको छ । आचार्य आफैँले गाडी चलाएर घर बनाउन रड ल्याएका थिए ।
