हेटौँडाः मकवानपुरमा भिरबाट लडेर एक महिलाको मृत्यु भएको छ । शनिबार साँझ ६ बजेर ५० मिनेटको समयमा मकवानपुरको भीमफेदी गाउँपालिका–३, घट्टेखोलाको भिरमा घाँस काट्ने क्रममा लडेर एक महिलाको मृत्यु भएको हो ।
मृत्यु हुनेमा सोहि वडाको ईचुङ बस्ने ५३ वर्षीया चमेली माया पाख्रिन रहेको जिल्ला प्रहरी कार्यालय मकवानपुरले जानकारी दिएको छ । दिउँसो ४ बजेको समयमा घरबाट ५ सय मिटर दक्षिणमा रहेको घट्टेखोलाको भिरमा घाँस काट्ने क्रममा लडेर २ सय मिटर तल खस्दा घटना स्थलमा नै मृत्यु भएको प्रहरीले जनाएको छ । मृतक पाख्रिनको शव पोष्टमार्टमको लागि हेटौंडा अस्पतालमा राखिएको छ ।
