हेटौंडाः आगामी माघ १८ गतेदेखि हेटौंडा–२ स्थित मकवानपुर बहुमखी क्याम्पसमा वार्षिक खेलकुद कार्यक्रम हुने भएको छ । स्वतन्त्र विद्यार्थी युनियन (स्ववियु)को आयोजनामा क्याम्पसको ४५ औं वार्षिक उत्सवको अवसरमा माघ १८ गतेदेखि २८ गतेसम्म वार्षिक खेलकुद कार्यक्रम हुने भएको हो ।
मंगलबार स्ववियु मकवानपुर क्याम्पसका अध्यक्ष छोइसाङ लामाले एक सूचना जारी गर्नुहुँदै विभिन्न खेलहरुसँगै अन्य अतिरिक्त क्रियाकलाप हुने जानकारी गराउनुभएको छ । प्रकाश मिजारको संयोजनमा पहिलो दिन १८ गते महिला÷पुरुष बास्केटबल, सुजन सिलवालको संयोजनमा माघ २० गते महिला÷पुरुष भलिबल, २२ गते प्रसिद्ध रेग्मीको संयोजनमा क्रिकेट, सुभाष सिंहको संयोजनमा डोरी तान्ने प्रतियोगिता, उन्नी देवकोटाको संयोजनमा गायन, २३ गते अभ्युदय खनालको संयोजनमा दौड प्रतियोगिता हुने स्ववियुले जनाएको छ ।
यस्तै, माघ २३ गते राहुल डिम्डुङको संयोजनमा नृत्य, बुद्ध बरामको संयोजनमा महिला पुरुष फुटबल, माघ २७ गते झरना थिङको संयोजनमा डोरी तान्ने खेल, २७ गते राहुल डिम्डुङको संयोजनमा हाजिरीजवाफ र हिमानीकुमारी सुवेदीको संयोजनमा गजल बाचन हुने बताइएको छ ।
