हेटौंडाः जिल्ला प्रहरी कार्यालय मकवानपुरका प्रहरीले लागूऔषध गाँजा सहित २ जनालाई पक्राउ गरेको छ । बिहिबार बिहान ६ बजेको समयमा लागूऔषध गाँजा सहित २ जना महिलालाई पक्राउ गरेको हो । जिल्ला प्रहरी कार्यालय मकवानपुरका प्रवक्ता एव्म प्रहरी नायब उपरीक्षक श्यामु अर्यालका अनुसार पक्राउ पर्नेमा कैलाश गाउँपालिका वडा नम्बर–५ की ३० वर्षीया अञ्जली गोले र हेटौंडा उपमहानगरपालिका वडा नम्बर–३ वसमाडी बस्ने ५१ वर्षीया ज्ञानुमाया गोलेलाई पक्राउ गरेको हो ।
जिल्ला प्रहरी कार्यालय मकवानपुरबाट खटिएको प्रहरी टोलीले हेटौंडा उपमहानगरपालिका वडा नम्बर–४,स्थित सडकमा हिडिरहेको अवस्थामा अञ्जली र ज्ञानुमायाले बोकेको झोला खानतलासी गर्दा १० किलो २७० ग्राम लागूऔषध गाँजा फेला परेको प्रवक्त अर्यालले बताउनुभयो । लागूऔषध गाँजा सहित दुबैजना महिलालाई नियन्त्रणमा लिइ अनुसन्धानको कार्य अघि बढाइएको प्रहरीको भनाई छ ।
