हेटौँडाः मकवानपुरका भीमफेदी गाउँपालिका–८, स्थित लटरम्मेश्वर महादेव मन्दिर जानेक्रममा भिरमा फेसेका चार जनाको सेना र प्रहरीले उद्धार गरेका छन् । मंगलबार बिहान १० बजेर १० मिनेटको समयमा मन्दिरमा जाने क्रममा तारे भिरमा फसेको बागमती प्रदेश प्रहरी कार्यालय हेटौँडाले जनाएको छ ।
भिरमा फेसेको खबर पश्चात इलाका प्रहरी कार्यालय र महादेवटारस्थित नेपाल सेनाको वेश क्याप्पबाट गएको प्रहरी टोलीले मङ्गलबार साँझ ५ बजेको समयमा उद्धार गरेको प्रहरीले जनाएको छ । प्रहरीका अनुसार भिरमा फेसेका काठमाडौं महानगरपालिकाका रहेका छन् । भिरमा फसेका काठमाडौं महानगरपालिका २ की ३६ वर्षीया मधुलिका सिंह ठकुरी, २४ वर्षीय पुकार सिलवाल, ३५ वर्षीया निर्जला शाक्य र ३४ वर्षीया सिर्जना महर्जनलाई उद्धार गरिएको हो ।
