हेटौँडाः चितवन जिल्लाको खैरहनी नगरपालिका–१३ मा गैंडाको आक्रमणबाट एक जना महिलाको मृत्यु भएको छ । मृत्यु हुनेमा ३२ वर्षीया मेन्दोमाया वाईबा भण्डारी रहेको बागमती प्रदेश प्रहरी कार्यालय हेटौँडाले जानकारी दिएको छ ।
आइतबार दिउँसो १२ बजेर ४० मिनेटको समयमा कुमरोज मध्यवर्ती सामुदायिक वनमा दाउरा काट्न गएकी मेन्दोमायालाई गैंडाले आक्रमण गरेको थियो । गैंडाको आक्रमणबाट महिलाको घट्नास्थलमानै मृत्यु भएको प्रहरीले जानकारी दिएको छ । मुचुल्का पश्चात शव पोष्टमार्टमका लागि भरतपुर सरकारी अस्पताल लगिएको छ ।
