हेटौँडाः मकवानपुरको राक्सिराङ गाउँपालिका–५, चाक्ले बगरमा बोलेरो पिकअप गाडी दुर्घटनामा परेको छ । ब्रेक फेल भएर दुर्घटना हुँदा एक जना पुरुष गम्भीर घाइते भएका छन् ।
आइतबार दिउँसो २ बजेर ३० मिनेटको समयमा मनहरीबाट कैलाश गाउँपालिकातर्फ जाँदै गरेको सु प प्र ०१–००१ च २९४६ नम्बरको बोलेरो दुर्घटनामा परेको जिल्ला प्रहरी कार्यालय मकवानपुरले जनाएको छ । दुर्घटनामा बोलेरोमा सवार कैलाश गाउँपालिका–३ बस्ने ५६ वर्षीय सन्त बहादुर गोम्बाको शरीरको विभिन्न भागमा चोट लागेर गम्भीर घाईते भएको प्रहरीले जानकारी दिएको छ । घाइते गोम्बालाई उपचारका लागि हेटौँडातर्फ पठाइएको प्रहरी नायव उपरीक्षक श्यामु अर्यालले जानकारी दिनुभयो । बोलोरोमा ८ जना सवार थिए । बोलेरोमा सवार ७ जनाको अवस्था सामान्य रहेको र बलेरो चालकको खोजी कार्य भइरहेको अर्यालले जानकारी दिनुभयो ।
