हेटौँडा ः हेटौँडामा जारी प्रदेश लिग फुटबल प्रतियोगितामा काठमाडौंको चित्लाङ फुटबल क्लबले समूह चरणको खेलमा दोस्रो जित निकालेको छ । आइतबार हेटौँडा–५ स्थित पिप्ले–क्याम्पा रंगशालामा भएको पहिलो खेलमा काठमाडौंले चितवनको भरतपुर फुटबल क्लबलाई २–० गोलअन्तरले हराएको थियो ।
यो जितसँगै काठमाडौंले समूह ‘क’ को विजेता बन्दै सेमीफाइनल यात्रा तय गरेको छ । यसअघि काभ्रेपलाञ्चोकको माउण्ट एभरेष्ट फुटबल क्लबलाई पराजित गरेको चितवन समूह चरणको दोस्रो खेलमा काठमाडौंसँग पराजित हुनुपरेको हो ।
प्रतियोगिता अन्तर्गत आइतबारकै दोस्रो खेलमा मकवानपुरको पदमोखरी युथ क्लब र ललितपुर फुटबल क्लबबीच प्रतिस्पर्धा भइरहेको छ । दोस्रो हाफको खेल चलिरहँदा मकवानपुर १–० गोलअन्तरले पछि परेको छ । प्रतियोगिता अन्तर्गत भोलि समूह चरणको अन्तिम खेलहरु हुनेछन् ।
