हेटौँडाः मोमिला जोशीको निबन्ध सङ्ग्रह ‘प्रश्नहरु बाँकी नै रहन्छन्…’ माथि विमर्श भएको छ । आँचल सहित्य कला पुञ्ज मकवानपुरको आयोजनामा शुक्रबार हेटौँडा–४ स्थित साहित्य संगम–सिस्नुपानी नेपालको सभाहलमा भएको कार्यक्रममा सर्जक सञ्जाल मकवानपुरका संयोजक निमेष निखिलले समीक्षा गर्नुभएको थियो ।
कार्यक्रमको सहजीकरण गर्नुभएका कवि सुवास खनालले मोमिलाको निबन्ध सङ्ग्रहमा समावेश भएका निबन्धले नारीचेत, मृत्युचिन्तन, स्वस्वार्थका लागि इतिहास तोडमरोड गर्न खोज्नेहरुप्रतिको खबरदारी, बाल्यकाल र बिरामी आमाको स्मरण, युद्धपीडा, व्यङ्चेत, विचार समावेश गरिएको बताउनुभयो । लेखक जोशीले निबन्ध सरल शव्दमा लेखिएको बताउनु भयो । आँचल साहित्य कला पुञ्ज मकवानपुरकी अध्यक्ष भावना सापकोटाको सभाध्यक्षतामा कार्यक्रम भएको हो ।
