हेटौंडाः हेटौँडा हुँदै बारा जिल्लाको अम्लेखगन्ज पुगेको कारमा प्रहरीले गाँजा भेटेको छ । जिल्ला प्रहरी कार्यालय बाराका प्रहरीले १५ किलो लागूऔषध गाँजासहित २ जना भारतीय नागरिकलाई पक्राउ गरेको छ ।
मंगलबार बिहान ५ बजेको समयमा ईलाका प्रहरी कार्यालय अम्लेखगन्जबाट खटिएको प्रहरी टोलीले बीआर २२ जे ५३३३ नम्बरको भारतीय कारबाट गाँजा बरामद गरेको हो । प्रहरीले भारतको बिहार राज्यको पूर्वीचम्पारण जिल्लाका २६ वर्षीय अखिलेश कुमार साह र कारमा सवार १९ वर्षीय राजकुमार पासवानलाई पक्राउ गरेको छ ।
