हेटौँडाः मकवानपुर अधिकृत विक्रेता व्यवसायी संघको वार्षिक साधारण सभा सम्पन्न भएको छ । शनिबार भीमफेदी गाउँपालिकास्थित कुलेखानी जलविद्युत आयोजना तेस्रो नजिकै खेलमैदानमा मकवानपुर अधिकृत विक्रेता व्यवसायी संघको १४ औं वार्षिक साधारण सभा सम्पन्न भएको हो ।
संघका अध्यक्ष अमीत कुमार श्रेष्ठको सभाध्यक्षमा तथा नेपाल वितरक महासंघका केन्द्रीय उपाध्यक्ष तथा सल्लाहकार विजय कुमार श्रेष्ठको प्रमुख आतिथ्यमा साधारण सभाको उद्घाटन समारोह भएको हो । साधारण सभामा अध्यक्ष, सचिव र कोषाध्यक्षको प्रतिवेदन प्रस्तुत गरिएको थियो । उद्घाटन समारोहमा मकवानपुर उद्योग वाणिजय संघका निवर्तमान अध्यक्ष कृष्ण कटुवालको विशिष्ट आतिथ्य रहेको थियो ।
