हेटौँडाः चितवन जिल्लाको राप्ती नगरपालिका–१, पिप्लेमा इभि भ्यानले ठक्कर दिँदा पैदल यात्रीको मृत्यु भएको छ । शुक्रबार राती ११ बजेर १५ मिनेटको समयमा पुर्व–पश्चिम राजमार्गमा हेटौँडाबाट नारायणघाटतर्फ जाँदै गरेको म प्र ०३–००१ ख ०५५५ नम्बरको इभी भ्यानले ठक्कर दिँदा पैदल यात्रीको मृत्यु भएको बागमती प्रदेश प्रहरी कार्यालय हेटौँडाले जानकारी दिएको छ ।
भ्यानले ठक्कर दिँदा राप्ती नगरपालिका–२ गड्यौलीका २८ वर्षीय सन्दिप रुवाली गम्भिर घाइते भएका थिए । घाइते सन्दिपलाई उपचारका लागि पुरानो मेडिकल कलेज भरतपुर लगिएकोमा गए राती १ बजेको समयमा डाक्टरले मृत घोषणा गरेको प्रहरीले जानकारी दिएको छ । भ्यान चालक खोटाङको बाराह पोखरी गाउँपालिका–१ का २४ वर्षीय दीपक मगरलाई प्रहरीले नियन्त्रणमा लिएको छ ।
