हेटौँडाः हेटौँडा–५, सिचाईटोलमा शौचालयमा लडेर एक बालिकाको मृत्यु भएको छ । मृत्यु हुनेमा महोत्तरीको एकडाँडा गाउँपालिका–३ अजमरपटी घर भएकी ५ वर्षीया सिरिशा कुमारी मण्डल रहेको बागमती प्रदेश प्रहरी कार्यालय हेटौँडाले जानकारी दिएको छ ।
शुक्रबार बेलुका ९ बजेर ३० मिनेटको समयमा मण्डल शौचालय जाने क्रममा लडी टाउकोको भित्री भागमा चोट लागि गम्भिर घाईते भएकी थिइन । घाइते मण्डललाई उपचारका लागि हेटौँडा अस्पताल लगिएकोमा राती ११ बजेर ३० मिनेटको समयमा उपचारको क्रममा डाक्टरले मृत्यु घोषणा गरेको प्रहरीले जानकारी दिएको छ ।
