हेटौँडाः मंसीर १६ गते आइतबार हेटौँडा–१२ मा हुने वडा अध्यक्षको उपनिर्वाचनको मतगणना हेटौँडा–२ स्थित सिद्धार्थ माध्यमिक विद्यालयमा हुने भएको छ । मुख्य निर्वाचन अधिकृत अवनी मैनाली भट्टराईले बिहीबार एक सूचना जारी गर्नुहुँदै मतगणनास्थलको विषयमा जानकारी गराउनुभएको हो ।
मकवानपुरका प्रमुख जिल्ला अधिकारी तीर्थराज चिलुवालले मतदान सकिएलगत्तै मतपेटिका मतगणनास्थलमा ल्याएर मतगणनाको कार्य सुरु गरिने बताउनुभयो । उहाँका अनुसार आवश्यक तयारी गरेर ३ वटा समूहमा मतगणना गरी छिट्टै नतीजा सार्वजनिक गरिनेछ ।
