हेटौंडाः साहित्य संगम मकवानपुरले शनिबार ३४९ औं नियमित साहित्य सन्ध्या आयोजना गरेको छ । साहित्य संगम मकवानपुरका अध्यक्ष डीबी बर्तौलाको सभाध्यक्ष तथा वरिष्ठ साहित्यकार तुल्सी घिमिरेको प्रमुख आतिथ्यमा कार्यक्रम भएको थियो ।
सहभागीहरुले मुक्तक, गजल, कविता, कथा वाचन गरेका थिए । कार्यक्रममा महाकाव्यकार मुना अर्याल, राजुराम राउत, घनश्याम आचार्य, चिरञ्जीवी लामिछाने, सञ्जिव श्रेष्ठ, रजनी पौडेल, पुरुषोत्तम आयार्य, देवराज खरेल, राजकुमार चौधरी, संप्रस पौडेल लगायतको उपस्थिति रहेको थियो ।
