हेटौंडाः चैनपुर जेसीज मनहरीको जेसीज सप्ताह २०२४ को अवसरमा सोमबार रक्तदान कार्यक्रम भएको छ । रक्तदान कार्यक्रममा २५ जनाले रक्तदान गरेका छन् । मकवानपुरको मनहरी बजारमा भएको कार्यक्रममा २ जना महिला र २३ जना पुरुषले रक्तदान गरेको रक्तसंचार केन्द्रका प्राविधिक किशोर सापकोटाले जानकारी दिनुभयो ।
रक्तदान कार्यक्रममा रक्तसंचार केन्द्र हेटौँडाको प्राविधिक सहयोग रहेको थियो । हाल केन्द्रमा रगतको अभाव नरहेको प्राविधिक सापकोटाले जानकारी दिनुभयो । यस्तै बिहिबार शिखर इन्स्योरेन्सको आयोजनामा रक्तदान कार्यक्रम हुनेछ ।
