हेटौँडाः ६९ औं प्रहरी दिवस २०८१ को अवसरमा मंगलबार अमर प्रहरीप्रति श्रद्धाञ्जली अर्पण गरिएको छ । बागमती प्रदेश प्रहरी कार्यालय हेटौँडामा मंगलबार बिहान एक समारोहका बीच अमर प्रहरीप्रति श्रद्धाञ्जली अर्पण गरिएको हो ।
बागमती प्रदेश प्रहरी प्रमुख प्रहरी नायव महानिरीक्षक कृष्णहरि शर्माको उपस्थितिमा भएको कार्यक्रममा अमर प्रहरीका परिवारलाई सम्मान गरिएको थियो । अमर प्रहरी स्मारकमा माल्यार्पण गर्दै श्रद्धाञ्जली अर्पण गरिएको थियो । नेपालमा प्रहरी सेवाको इतिहासमा हालसम्म १ हजार ७ सय ७८ जना प्रहरी सहीद भएका छन् । बागमती प्रदेशमा १ सय ९९ जना प्रहरी सहीद हुँदा पछिल्लो एक वर्षमा एक जना प्रहरी सहीद भएको बागमती प्रदेश प्रहरी कार्यालय हेटौँडाले जानकारी दिएको छ । प्रहरी दिवसको अवसरमा बुधबार बिहान रक्तदान कार्यक्रमको आयोजना गरिएको छ ।
