हेटौँडाः आमाजुले सिमेन्टको ब्लकले हान्दा हेटौँडा–१२, वाईबाटोलकी ४३ वर्षीया विष्णुमाया मिजार गम्भीर घाइते हुनुभएको छ । बुधबार विष्णुमायालाई ४३ वर्षीया आमाजु सपना मिजारले सिमेन्टको ब्लकले हानेकी थिइन् ।
विष्णुमाया सुनिरहेको अवस्थामा सपनाले सिमेन्टको ब्लकले पेटमा हानेको प्रहरीले जनाएको छ । हेटौँडा अस्पतालमा उपचारपछि विष्णुमायालाई थप उपचारका लागि चितवन रेफर गरिएको प्रहरीले जनाएको छ । प्रहरीले सपनालाई नियन्त्रणमा लिएको छ ।
