हेटौँडाः काभ्रे जिल्लाको पाँचखाल नगरपालिका–५, सैंतिस किलो केराघारीमा आईचर गाडी अनियन्त्रित भई सडकबाट खस्दा एक जनाको मृत्यु भएको छ । मृत्यु हुनेमा सिन्धुली जिल्लाको मरिण गाउँपालिका–१ का २८ वर्षीय रमेश ठाडा रहेको बागमती प्रदेश प्रहरी कार्यालय हेटौँडाले जानकारी दिएको छ ।
बिहीबार अरनिको राजमार्गमा धुलिखेलबाट पाँचखालतर्फ जाँदै गरेको बा ५ ख १२८१ नम्बरको आईचर गाडी अनियन्त्रित भई सडकबाट ७० मिटर तल खसेको थियो । दुर्घटनामा रमेश गम्भीर घाइते भएका थिए । घाइते रमेशलाई उपचारका लागि धुलिखेल अस्पताल लगिएकोमा उपचारको क्रममा मृत्यु भएको प्रहरीले जनाएको छ ।
