हेटौँडाः पूर्व–पश्चिम राजमार्गअन्तर्गत हेटौँडा–९, गुम्बाचोकमा ट्रक र मोटरसाइकल आपसमा ठोक्किएर दुर्घटना भएको छ । बिहिबार साँझ भएको दुर्घटनामा परी मोटरसाइकल चालक गम्भीर घाइते भएका छन् ।
हेटौँडाबाट पथलैयातर्फ जाँदै गरेको बा प्र ०३–००१ ख १३२२ नम्बरको ट्रक र विपरित दिशाबाट आउँदै गरेको ना ५२ प ८५७० नम्बरको मोटरसाइकल आपसमा ठोक्किएर दुर्घटना भएको हो । दुर्घटनामा परी मोटरसाइकल चालक हेटौँडा–९ एचआईडीका २५ वर्षीय देवेन्द्र राई गम्भीर घाइते भएको बागमती प्रदेश प्रहरी कार्यालय हेटौँडाले जनाएको छ । राईको टाउको, दाँया घुँडा, नाक र मुखमा चोट लागेको छ । हेटौँडा अस्पतालमा उपचारपश्चात राईलाई थप उपचारका लागि बिहिबार राती १० बजेर ४० मिनेटको समयमा भरतपुरस्थित पुरानो मेडिकल कलेजमा पठाइएको प्रहरीले जानकारी दिएको छ । राईलाई अति सघन उपचार कक्ष (आइसीयु) मा राखेर उपचार भइरहेको छ ।
